Yardımlı Xeyriyyə Cəmiyyətinin rəsmi saytı

   

Açılış səhifəsi et

Yardımlının Səsi Qəzeti

foto

Daha ətraflı məlumatları "Yardımlının səsi" qəzetindən oxuya bilərsiniz

Yardımlı rayonu

foto

Yardımlı Xeyriyyə Cəmiyyətinin keçirdiyi tədbirlərdən görüntülər

foto

foto

OYAN!

Nədənsə taleyinə
Əzəl gündən çən düşüb.
Cücərməyib istəyin
Uğur səndən gen düşüb.
Ey mənim ata yurdum!
Sən hələ də ölkəmin
Sirlə dolu üzüsən.
Tarixləşmiş tarixin
Yazılmamış sözüsən.
Sənsən ulu babamdan
Mənə yetişən miras.
Sənsən ruhuma qida,
Sənsən dərdimə əlac. . .
Ey mənim ata yurdum!
Yoxdursa Səni duyan
Ya silkələ tarixi,
Ya da tarixdən oyan!. .

Elman Eldaroğlu

Keçidlər

foto

foto

foto

foto

foto

foto

foto

foto

foto

foto

foto

  ?  ??

 

RAYONUN TANITIM LOQOSU

RAYONUN TANITIM LOQOSU

.

.

EL KƏDƏRİNƏ YANMAĞI BACARAN İCRA BAŞÇISI

EL KƏDƏRİNƏ YANMAĞI BACARAN İCRA BAŞÇISI


Redaksiyadan: Bu günlərdə facebook sosial şəbəkəsində Gəncədə yaşayan jurnalist həmkarımız Qalib Rəhimlinin rayonumuzda olarkən təəssüratını əks etdirən bir statusu oxudum. Səmimi yazıldığından onunla əlaqə saxlayıb qiyabi də olsa tanış olduq. Qeydlərini geniş şəkildə qələmə alıb bizə göndərməsini xahiş etdim. Yazını olduğu kimi Sizə təqdim edirik:

Dünyaya insan gəlir, deyiblər. Amma dünyaya nazir, prokuror, icra başçısı, bir sözlə, məmur gəlir deməyiblər. Uca Yaradan hamını insan yaradıb və onun hansı əməllərlə əbədiləşəcəyini, yaddaşlardan silinməyəcəyini, əsrlər ötəsə belə xatırlanacağını da yaratdığına deməyi unutmayıb. Kim Yaradanın buyurduqlarını əməlləri ilə yaşadıbsa sağ ikən rəhməti də o qazanıb. Gəlin etiraf edək ki, dünyaya gələnlərin hamısı insan kimi yaddaşlarda qalmır. Elələri var ki, amansız və qəddar olur, məndən ötdü qardaşıma dəydi düşüncəsi ilə yaşayır, dara düşən, ağır itki verən soydaşlarına, lap elə qapıbir qonşusuna biganə qalır. Bax, bu hal doğrudan da dözülməz olur və çoxlarının qəlbində silinməyən nifrətə çevrilir...
Nədən bu fikirlərə kökləndim? Ömrün 54 yaşında məni nə vadar etdi ki, insan və insanlıq haqqında fikir söyləmək qərarına gəldim? İlk olaraq deyim ki, 54 illik ömrümün ən qaynar və enerjili illərini Yardımlıda işləmişəm. 1984-cü ildə Azərbaycan Dövlət Universitetinin jurnalistika fakültəsini bitirib təyinatla bu rayonda çıxan Yeni Kənd qəzetində işləməyə göndərilmişəm. Təbii, o dövrlər Qazaxda doğulub, Bakıda ali təhsil alıb, Yardımlıda işləmək və mühitə alışmaq çox çətin idi. Amma müqəddəslik deyilən bir əvəzsiz neməti burada tapdığımdan çətinliklər isti yay günündə əriyən buz kimi aradan çıxdı. Qaynayıb qarışdım bu yurda. Din, iman gördüm. Haramla halallığın nə olduğunu anladım. Ən müqəddəs ziyarətgahlardan olan Abudərdəyə sonsuz məhəbbəti və inamı yaşadanların çevrəsində özümü anlamağa, haradan gəlib haraya getdiyimi dərk etməyə başladım. Qəribə bir tikə çörəyini çəkinmədən verən insanlara vuruldum. Abır və həyanın, ən dəyərli əxlaqın qorunub nəsillərə ötürülməsinin şahidi oldum. Bütün bunlar üçün Yardımlıya indi də borcluyam. O rayonda oğlum Elnur dünyaya göz açdı və burada əsil insanlıq gördüm...
Tanrı hər kəsin uzaq səfərlərə yollarını sevincə doğru açsın. Mən bu dəfə Yardımlıya ömür-gün sirdaşımın anası Güldəstə xanımı dəfn etnəyə getmişdim. Dəfnin səhəri şahidi olduğum bir gəliş məni sözün həqiqi mənasında ovsunladı. Rayon İcra haimiyyətinin Başçısı Sevindik Hətəmov adi bir məktəb müəlliminin anasının yasına gəldi. Özü də komandası ilə birgə. Bu bir müsəlman olaraq ona Ulu Yaradan tərəfindən buyrulan əməllərdən biri olasa da, məna və dəyərcə böyük bir addım idi. Ölkənin çox bölgəsini doğulduğum yurda olan məhəbbətlə sevmişəm. Ancaq- heç kim inciməsin- heç yerdə belə bir addımın atıldığını görməmişəm. İndi İcra Başçıları o hüzürlərə gedir ki, o ya vəzifə sahibidi, ya həddən artıq pullu adamdır, ya da böyüklərdən kiminsə qohumudur. Sevindik Hətəmovun yas yerində görünməyi də elə bunları gördüyümdən və şahidi olduğumdan məni təəccübləndirdi. Biləndə ki, Sevindik müəllim nəinki rayon mərkəzində, hətta ən ucqar kəndlərdə belə yas mərasimlərində mütləq iştirak edir və hüzür sahibinin çətinlikləri ilə maraqlanır təəccüb və marağım bir az da artdı. Könül sirdaşım, ürək dostum Hacı Himayət Mahmudov mənə soylədi ki; Sevindik müəllim özündən əvvəl işləyən rəhbərlərin hamısından fərqli bir insandır və elin kədərini öz dərdi kimi yaşaya bilir...
Yardımlıya həmişə ucqar dağ rayonu kimi baxıblar. Buna üsyanedən eloğlularımız da olub. Sabir Rüstəmxanlının bir neçə misrası tutarlı cavab kimi indi də qulaqlarımda səslənir.

Sənə ucqar söylədilər,
Bilirsənmi neylədilər?
Xəncər alıb bağrım başın teylədilər...

Əksəriyyətin ucqar bildiyi bu məkan əslində bütöv, o taylı, bu taylı Azərbaycanın mərkəzidir, ürəyidir, milli-mənəvi dəyərlərinin saflığıdır. Bu gün Yardımlı bir də ona görə müqəddəs yer kimi qiymətləndirilir ki, burada hələ halallıq yaşayır, elliklə kədərə təskinlik mövcuddur. Və bir də bu yurdun taleyinə Sevindik Hətəmov kimi əsil insan olan rəhbər yazılıb.
Hər yerdə olduğu kimi Yardımlı da inkişafın mərhələli ömrünü yaşayır. Qüdrətli Azərbaycanın Sosial İqtisadi İnkişafı sürətlə həllini burada da tapır və rayon müasirliyin zirvə ömrünə doğru qətiyyətlə addımlayır. Əgər bu bir tərəfdən Ölkə Başçısının regionlarının inkişafına diqqətdirsə, digər tərəfdən verilən tapşırıq və tövsiyyələrin ləyaqətli həllidir. Bu isə ilk növbədə Prezidentin səlahiyyətli nümayəndəsi Sevindik Hətəmovun və onun komandasının işinə diqqətinin, tapşırıqlara məsuliyyətinin nəticəsidir.
Sonda qısaca deyim ki, Yardımlı Ulu Tanrının nəzərlərində həmişə müqəddəs məkan kimi qalacaq. Çünki burada sıravi vətəndaşlar da safdır, rayona rəhbərlik edən şəxs də. Uğur alın yazın, halallıq və saflıq baş tacın olsun, doğma Yardımlım!
Tanrı yardımlıların sevgisini və məhəbbətini sizə çox görməsin, Sevindik müəllim!

Zirvələrdə dumandımı, qardımı,
Qayalarda qartaldımı, sardımı,
Yardımlının hanı bizə yardımı,
Dönüb deməz gələn qonaq necədir?

Əgər bu misraların müəllifi dədə Osman Sarıvəlli sağ olsaydı görərdi ki, indi Yardımlının yardımı və səxavəti diyarbadiyar dolaşır. Qonaq-qarasının say-hesabı isə bilinmir. Üstəlik onun el kədərinə yanmağı bacaran Sevindik Hətəmov kimi rəhbəri də var. Qoy uğurun əbədi olsun gözəl diyar!..

Qalib Rəhimli,
Gəncə şəhəri

2014-CÜ İLDƏ HƏYATA KEÇİRDİYİMİZ LAYİHƏLƏRİN QISA ŞƏRHİ

1 yanvar- Tanınmış ziyalılarımızın iştirakı ilə bayram ziyafəti təşkil edilib. Ziyafəti giriş sözü ilə açan cəmiyyətin sədri Elman Eldaroğlu son bir ildə rayonda aparılmış tikinti-abadlıq işlərindən danışıb, görülən işləri sadalayaraq rayonumuzun inkişafı Prezident İlham Əliyevin diqqətində olduğunu vurğulayıb. Cənab Prezidentin göstəriş və tapşırıqlarını əzmkarlıqla icra edən, rayonumuzun rəhbəri Sevindik Hətəmovun rayon ictimaiyyətinə göstərdiyi doğma münasibətini dilə gətirib.
29 yanvar- Rayon İcra Hakimiyyətinin dəstəyi ilə tanınmış şairələr- Şöhrət ordenli Ofelya Babayeva və Xatirə Fərəclinin Yardımlı məktəbliləri ilə görüşünü keçirib.
12 mart- 2013-cü ildə rayonda göstərdikləri xidmətlərə və qazandığı uğurlara görə seçilən yurddaşlarımızı mükafatlandırmaqdan ötrü rayon mərkəzində təqdimat mərasimi keçirilib.
2 aprel- Rayon mədəniyyət evində Rayon İcra Hakimiyyətinin dəstəyi ilə ziyalılarımızdan Himayət Mahmudovun 65 illik yubileyi keçirilib.
5 may- Unudulmaz el ağsaqqalı, kimyaçı alim Nərçə Bəhmən oğlu Ağayevin 75 illik yubileyi münasibəti ilə Sumqayıt və Yardımlı şəhərlərində tədbir keçirilib.
21 iyul- Rayonda yaşayan bir qurup tənha və kimsəsizə Müqəddəs Ramazan bayramı ərəfəsində ərzaq sovqatı paylanılıb
12 sentyabr- Yardımlı rayon İcra Hakimiyyətinin dəstəyi ilə Kitabçı jurnalının Yardımlı oxucuları arasında təqdimatı keçirilib.
4 oktyabr- Müqəddəs Qurban bayramı ilə bağlı savab işlərini davam etdirən "Yardımlı Xeyriyyə Cəmiyyəti" rayonda yaşayan bir qrup tənha və kimsəsizə ərzaq sovqatları paylamış, Sumqayıtda yaşayan və qayğı uman ailələrə isə Qurban əti payları vermişdir.
8-9-10 oktyabr- Yardımlı rayon İcra Hakimiyyəti ilə birgə bir qurup həkimin vasitəsiylə rayonda imkansızların təmənnasız müayinəsi və imkansız ailələrdən olan uşaqların sünnət kompaniyasını həyata keçirilib. İki gün ərzində on yaşadək 16, on beş yaşadək və yuxarı 4 nəfər sünnət olunub. Yüzə yaxın insan müxtəlif müraciətlərlə müayinədən keçib
29-30-31 oktyabr- Rayonumuzda yaşayan imkansızların təmənnasız cərrahiyyə əməliyyatları təşkil edilib. Nəticədə 8 nəfərin üzərində(3-ü öd kisəsindən, 3-ü fibromadan, 1-i qasnaq yırtığından, 1-i isə uşaqlıqda kista və babasildən) əməliyyat aparılıb.
20 noyabr- Məlum vertalyot qəzasında həlak olmuş Vəli Məmmədovun rayon Tarix-diyarşünaslıq muzeyində anım gününü təşkil edib.

Bundan əlavə dünyadan köçmüş yurddaşlarımızın yas məclislərinə çağırış məqsədi ilə 30 mindən çox məlumat mesajları göndərilib və s.

<

Cəmiyyətin gördüyü işlər haqqında

foto

Yardımlı xeyriyyə cəmiyyətinin sədri Elman Eldaroğlunun musahibəsi

foto

Yardımlı rayonunun inzibati                xəritəsi

foto

       Yardımlı mənzərələri

foto

Son 30 ölkənin ziyarətçiləri

free counters

Sayğac

Sual

SİZCƏ YARDIMLI ƏSİLLİ MİLLƏT VƏKİLLƏRİNDƏN HANSI YARDIMLIYA DAHA ÇOX XİDMƏT GÖSTƏRİB?
Heç biri
Sabir Rüstəmxanlı
Musa Qasımlı
Fəzail İbrahimli